Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Serokwezîrê herî baş ew e ko aboriya welatê xwe xurt bike

STOCKHOLM, 16/10 2008 — Hinek kurdên me dixwazin ko heta hetayê ne xudanê welatê xwe bin û ticaret û dewlemendiya welatê wan jî di destê miletên serdest de be. Di civaka kurdî de mirov gelek caran li hinek kesan rast têt ko ticaretê û dewlemendiyê heram dibînin û wê yekser bi sermayedariya “zalim” ve girêdidin û dibêjin divêt mirov xwe ji ticaretê dûr bike.

Sîstema îdarî ya Swêdê sîstema qraliyetê ye û hikûmet û xelkê Swêdê gelek caran li qralê xwe wekî “objeyeka bazarkirina mal û mitayê” Swêdê li welatên derve dinêrin. Bo nimûne heger hikûmeta Swêdê bixwaze ticareta welatê xwe digel Çînê xurt bike hinek wezîr û midûrên şirketên mezin yên Swêdê organîze dike û qralê xwe jî dide pêşiya wan û diçe Çînê. Wezîfeya qralî di wê seyahetê de ew e ko hikûmeta Çînê û şirketên wan qane bike da ticaretê digel şirketên swêdî bikin.

Wezîfeyeka esasî ya serokwezîrê welatekî ew e ko qîmetê ticarî yê welatê xwe di bazara dinyayê de bilind bike û şirketên biyanî qane bike da bên û li welatê wî investmentê bikin û bi wê rêyê arîkariya pêşdebirina aboriya welatî û nehiştina bêkariyê bikin. Yek ji xususiyetên serokwezîrekê baş ew e ko ew bikare welatê xwe wekî şirketeka biserketî bi rê ve bibe û nehêle welatê wî têkeve ber xetera îflasê.

Van rojan medyaya PKK-ê ji bilî dijminahiyeka bêinsaf, di warê aboriya Kurdistanê de jî rexneyek li serokwezîrê Kurdistanê Nêçîrvan Barzanî girt û got li Hewlêrê gelek şirketên mezin bi cih bûne û ev jî wekî tawanekê hesiband.

Heger serokwezîrê Kurdistanê Nêçîrvan Barzanî karîbe şirketên biyanî qane bike da ew bên û li Kurdistanê bi milyaran dolaran investmentê bikin hingê ew diyardeya biserketina wî ye di pêşxistina aboriya Kurdistanê de. Heger Nêçîrvan Barzanî karîbe bi dehan şirketên biyanî yên petrolê qane bike ko bên û li Kurdistanê kar bikin hingê ew diyardeya biserketina wî ye di bazara ticareta petrolê ya nêvneteweyî de.

Li parçeyeka welatê me firset ji me re çêbûye ko em xudanê serwet û samana welatê xwe bin. Mirov hêvî dike sibe firseta me çêbe ko em li parçeyên dî yên Kurdistanê jî bibin xudanê welatê xwe û em bikarin şirketên mezin yên dinyayê qane bikin da bên û li Diyarbekirê investmentên mezin çêkin.

Dema ko mirov li wê dijminahiya PKK-ê ya li hemberî serokwezîrê Kurdistanê Nêçîrvan Barzanî dinêre mirov ti mantiqê tê de nabîne û dibêje hebe-nebe ev hesabekê siyasî ye. Serokê DTP-ê Ahmet Turkî 14-ê vê mehê li Enqereyê li parlamentoya tirkan got: “Heger Tirkiye hezar caran jî bi Barzanî re rûne hîç encamek jê dernakeve.” Ji helwêsta PKK-ê û ji gotinên serokê DTP-ê Ahmet Turkî diyar bû ko ew li dijî normalîzebûna têkiliyên Kurdistanê û Tirkiyeyê ne.

Mirov gelek caran siyaseta PKK-ê û DTP-ê fêm nake. Ew ne li gor faktayên rast lê belê li gor agahdariyên xelet yên di medyaya tirkan de siyasetê dikin. Medyaya tirkan û medyaya PKK-ê herdu jî danûstandinên Kurdistanê û Tirkiyeyê bi PKK-ê tenê ve girêdidin. Ji medyaya tirkan re doza miletê kurd pirsa ”rêxistina terorê” PKK ye û lewra medyaya tirkan “şert û daxwazên” xeyalî yên Tirkiyeyê yên ji serokê Kurdistanê wekî lîsteyên dirêj belav dike.

Serokwezîrê Kurdistanê Nêçîrvan Barzanî 14-ê vê mehê li Hewlêrê behsa têkiliyên herdu welatan kir û got:

— Têkiliyên herêma Kurdistanê û Tirkiyeyê pir ji wê mezintir in ko Tirkiye şertekî [şertê binavkirina PKK-ê wekî rêxistineka terorê] dane ber me çimkî têkiliyên me dîrokî ne.

Siyaseta serokê Kurdistanê Mesûd Barzanî her ji roja pêşiyê ve ew e ko pirsa PKK-ê bi metodên eskerî çareser nabe û divêt bi rêya diyalogê û metodên aştiyane bêt çareser kirin. Wî li Bexdayê jî heman mesaj careka dî da heyeta Tirkiyeyê.

***

Têbînî: Ev nivîsar bi soranî di rojnameya Rûdawê de li Hewlêrê û bi kirmancî jî di sîteya Nefelê û sîteya Rûdawê de têt weşandin.

-----------------------------------

Nivîskar: ARIF ZÊREVAN zerevan@nefel.com
Weşandin: 2008-10-16
Xwendin: 7466