Nefel

[ SÊŞEM, 2024-04-16 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

abortion pill cost cvs
abortion pill
Agirê newrozê

STOCKHOLM, 22/3 2006 — Bûyerên meha adarê di dîroka kurdî de dibin babetên gelek nivîs û gotaran. Lê bi rastî girîngiya çi cejn û bîranînan ne wek girîngiya newrozê ye.

Di Rojhilata Navînê de, ji bilî gelê kurd gelek miletên dî newrozê pîroz dikin. Faris, efxan û ozbek hinek ji wan gelan in. Ji bo van xelkan newroz, bi kurtî, cejna destpêka biharê ye û ji bo farisan sersala îranî ye.

Lê ji bo gelê kurd ev roj nema wezîfeya sersalê dike. Newroz ji wezîfeya efsanî derketiye û wezîfeyeke din dike. Wezîfeyeke gelek girîng e. Newroz ji bo gelê kurd bûye hêmanek ji hêmanên ramana neteweyiyê ya gelê kurd. Û ji ber vê yekê dijmin, û bi teybetî rejîmên Sûrî û Turkiyê bi her awayî şer û dijminahiya newrozê dikin. Dijminahiya newrozê dijminahiya gelê kurd e.

Rejîmên dewletên dagîrker li Sûrî, Turkî û Îranê bê çawa şer û dijminahiya hêmana ramana neteweyiyê ya serekî, zimanê kurdî, dikin, ewqasî şer û dijminahiya newrozê jî dikin.

Li Sûriyê rejîma Beesê ya nijadperest dikir nedikir nikaribû nehêle gelê kurd agirê newrozê gurr bike û derkeve sirûştê ji bo newroza xwe pîroz bike. Polîsên rejîmê kurd digirtin, pere ji meaşê memûr û mamosteyan qut dikir û çi ji wê dihat teqsîr nedikir. Lê cardi jî kurdan newroza xwe pîroz dikir. Di dawiya salên 1980yî de rejîma Beesê li Sûriyê mecbûr bû roja 21 adarê kir rojeke teetîlê, bi navê ”cejna dayikê”.

BBC di malpera xwe de dibêje ko bêtir ji milyonekî kes ji gelê kurd li Diyarbekirê derketin ji bo newrozê pîroz bikin. Ev nûçe dilê mirovî hênik û rehet dike. Heger rejîma Turkiyê di şerê zimanê kurdî de, mixabin, gelekî bi ser dikeve, di şerê newrozê de dişkê. Sal bi sal agirê newrozê li bakurê Kurdistanê gurrtir dibe. Turk di hewildana xwe de ko xwe bikin xwediyê newrozê bi ser neketin. Newroz cejna neteweyî ya gelê kurd e.

Lê em giş dizanin ko newroz ne cejna rêxistinan lê cejna gelî ye. Ji ber vê yekê jî pêwîst e ko rêxistin û partiyên gelê kurd li her deverên Kurdistanê, di vê rojê de tenê alaya rengîn hildin. Alaya Kurdistanê jî, bi baweriya min, hêmaneke ji hêmanên ramana neteweyiyê ya gelê kurd e. Mirovên di newrozê de alaya partiya xwe hildin û alaya Kurdistanê hilnedin vê rastiyê ji bîr dikin.

Welatê me, ji bilî başûrê Kurdistanê, dagîrkirî ye. Dijmin bi her awayî şerê neteweya me dike. Zimanê me qedexe dike. Hewl dide ko çanda me ji kokê de rake û bişewitîne. Vêca heger em qedr û bihayê newroza xwe zanibin em dê qedr û bihayê alaya Kurdistanê, alaya rengîn, alaya me jî bizanibin. Alayên rêxistin û partiyên xwe ji rojên din re bihêlin. Wek nimûne ji cejnên rêxistin û partiyan re û ji rojên hilbijartinan re.

Newroz li gelê me pîroz be, û bila dijmin bizanibe ko tu kes nikare agirê newrozê vemirîne ji ber agirê newrozê di hişê me de ye.

-----------------------------------

Nivîskar: SELAM NÛMAN
Weşandin: 2006-03-22
Xwendin: 9509