Nefel

[ PÊNCŞEM, 2024-04-25 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

abortion pill online
buy abortion pill online usa
cheap abortion clinics in memphis tn
cheap abortion pill kit online
Pêla “şêxên kolanan”

KURDISTAN, 26/1 2007 — Di destpêkê de, ez lêborîna xwe ji “zarok an jî pêxwasên kolanan” dixwazim ji ber vê berhevdana ne adilane, evên ko ez maf nadime xwe hurmeta wan negirim û rûmeta rûniştevanên kolan û sikakên bajar û bajarok û gundên me çi zengîn an jî feqîr, bêkar an jî bêserûşûn, sêwî an jî malmezin digirim ji ber ko hemû beşek in ji civakên me maf û erkên wan jî hene, her weha têrma ”zarok an jî pêxwasên kolanan” kevin û berfireh e bêtir di jîngehên millî de tê bikaranîn û ciyê xwe di wîjdana tevahî tanî ya keleporî jî di nav xelkê de girtiye û sembola takekesan anjî tiwêjeyên rêşaşkirî û li derveyî urfên naskirî yên sincî û li dijî zagonan ko ziyanê dighîjîne civakê û destdirêjiya namûs û mulikdariyan carine dike, destnîşan dike.

Li vir em dê derbasî gengeşiya dîrokiya herdemî û radeya cihêwazî û newekeheviya derbarê rêjeya berpirsiya yekser ya tiwêjeya navhatî bikin derheqê kar û kiriyarên wan de nebin, bi qasî ko em dê berpirsiyariya rêjîmên despotîkên serdest û dabûnerîtên civakî yên kevin û tund û perwerdehiya malbatiya kêm, bikin.

Di heman warî de, têrma behskirî takekesên ko ideolojiyeyeke taybet anjî ramaneke siyasî wekehev wan girênade û ne rêxistinkirî di şan û komikên teroristî de bi acendeyên herêmî û cîhanî di nav de bidestxistina deselatdariyê û hewildana avakirina hikûmet û rêjîman û tundûtîjiyê mîna alaveke tenha bikar nayênin ji bo pêkanîna akam û hewesên xwe, hembêz dike. Berevajî xweza û rêbaza koma nû ji “şêxên kolanan” eva bivetirîn û ziyantirîn ji yên berî xwe a ko ji nezaniya sedsalên navîn hatî bi ramana xwe a tarîperest û islama xwe ya siyasî ya ideolojkirî a ko yên din qebûl nake û perensîpa Mikafîlî bikartîne (armanc alavan destnîşan dike) çi di riya tundiya cîhadê de be yaxud kuştin û wêrankirin û ji holê rakirina siyasî bi mebesta bidestxistina kilîtên deselatên kargêrî û biryardanê de be nexasime piştî ko pêşwaziya piştgiriya mewdaniya mezin û berdewamkir ji aliyê alavên xizmetguzarî û erkên nehênî yên layên derveyî ko bi piranî ji rêjîmên tepeser in, û piştî ko wan ji xwe re sîstemên ji alavên leşkerî û istixbaratî û ewlekarî yên çekdar avakirin li derveyî çarçoveyên dewletên niştimaniyên heyî weke nimûne (Hizbollah li Lubnanê, Hamas li Filistînê, Artêşa Sadr û mîlîşiyayên heyeta zanayên musliman li Iraqê, Dadgehên Şer‘î li Somalê) û hindek welatên din li rojhilata navîn ko dem nin e anuha basa wan bikin.

Eger aliyên ko me qala wankir ji cîhanê re hatibin naskirin û daketine kolanan û di refên wan yên pêşîn de şêxên rîdirêj û bi şaşik hene ne ji ber bicihanîna mafan anjî berevaniya dadmendî û peydekirina alternatîveke baştir lê berê xwe dan hindek karpêk û dijayetîker û rêveçûnên dinê weke:

1. Hewesa derbeçîtiyê li dijî lêgaletiyên heyî û rêveçûneke dijminahî li dijî hikûmet û damûdezgehên ko bi demokratîkî hatine hilbijartin ji ber têkçûna wan berev bidestveanîna deselatdariyê di rê û rêçikên aştiyane de û têkçûna birêvebirina wan eger ko biserketin , ji ber vê çendê wan berê xwe da tundûtîjî û teror û tirsandinê.

2. Derketina ji perensîpên lihevkirina niştimanî û lîstika demokrasî a ko ciyên kişandin û berdanê di navbera piranî û kêmaniya lidji de li gor yasa û zagonan destnîşan dike, tevî xerqkirina bingehên yekîtiya arezû di navbera pêkhateyên heman civakê de û hewildana wêrankirina lihevkirinên di navbera hevpişkên niha û çarenûsê de.

3. Pêşkêşkirina xizmetan ji hêzên derveyî re û veguhastina acendeyên wan û bikaranîna wan di welatên xwe de nexasime piştgirtina hevbendiya Şam-Tehranê a ko hemuyan kom dike û anuha di rastiyê de û di riya misogerkirina mewdan û çekan de serperiştiya komikên “şêxên kolanan”li dirêjahiya gorepanên tevlîheviyê di navçeyê de dike.

4. Tevgerkirina di çarçoveya–dijayetîkirina-proseya siyasiya lidar û pêşîlêgirtina wê û rawestandina projeyên guherîna demokratîka xwestî ji aliyê gelên navçeyê bi armanca bidawîanîna tepeserî û bicihanîna azadiyan.

5. Astengkirina hewildanên niştimanî û navneteweyî yên li dijî terorê di riya riswakirina tîmên kuştin û destkuştin û tawanên cengê û azadîkuj û tolvegirtina hezaran qurbanî ji zilamên dewletêt û siyasetmedar û ronakbîrên li dijî dîktatorîzmê.

6. Ewlehiya sereke bi demagociya ragihandinî û xewxa û reaksiyonên durû û serkeftinên-xwedawendî-yên navkirî û şovonizma netewetiya nijadperestî derbarê gel û neteweyên ji bilî ereb berevajî lojîka aram û vekirî û tolerans di warê pejirandina hevûdin de.

7. Tevgera li gor berjewendî û raman û bikaranîna tayfegeriya siyasî û mîr û qiralên wê yên şêx ya ko vedigere rêbaza islama siyasî di gel xirapkirina karê siyasî ê niştimanî û jirêderxistina nakokiya dîrokî di navbera dadmendî û sitemkariyê, maf û zulmê, demokrasî û dîktatoriyetê, azadî û koledariyê de, berev şerkirina olan û mezheban û nakokiya şaristanî û kulturan de.

8. Tehdîtkirina aşîtiya sivîl û yekîtiya niştimanî û hizra welatîbûnê ji kokê ve û hewildana têkbirina seqamgîrî û bingehên jiyana hevbeş di navbera netewe û ol û mezheban de.

9. Ziyangihandina aboriya niştimanî û rawestandina danûsitendinê di navbera navçeyan de, û têkbirina têkiliyan bi derve re ji aliyê bankan û bazirganiyê ve û mecbûrhiştina welatiyan bi koçkirina berev penbergehan, ji ber ko ew girûp xwe dispêrin piştgiriya hevbendiya herêmî ji aliyê mewdanî ve angu ji ber rawestan û bêliviya aborî berevajî piraniya ziyandîtî bibandor nabin.

10. Belavkirin û bikaranîna çanda terorê di riya destkuştin û taksiyên bombekirî û revandinê de û amadekirina hişiyarkirina şanên raketî ji rêxistin û komikên islama siyasî di gorepanên dinê de, tiştê li zanîngehên Misrê vê dawiyê pêkhat ji aliyê mîlîşiyayên Îxwan Muslimîn-Birayên Misilman- ve biveyeke mezin derdixe holê.

Guman têde nîn e ko, piştî tiştê gotî, li pêşiya tevgera niştimanî a gelên me û hêzên demokratîxwaz de erk û hevrikiyên nuh hene divê ko ew pêkbînin û çareser bikin û di destpêkê de pêşvebirina bernameyên xwe yên xebatger berev pêkanîna danûsitendina hizrî û siyasî û çandî û millî bi“şêxên kolanan”re û îzolekirina wan ji cemawerên ko carine bê hişê xwe berev pêlên wan yên hêstêrîk ve diçin di bin cilika girêdana mezhebî û silganên jihişbir yên ko komikên islama siyasî di van herdû dehsalên dawî de bikar tînin de, û pêşkêşkirina ked û hewildanên çandî û ragihandinî ên sîstematîk ji bo daxuyandinê ji xelk û belengazên gund û bajaran û çînên navînî re bi rastiya ko ev “opoziyonger!!”ên nuh nûneriya berjewendiyên wan nakin û nejî ji bo pêkanîna daxwaz û azwerên wan yên civakî û siyasî kardikin lê ew awarte ne di warê karê niştimanî de û ti rehên wan yên xebatgêrî dîrokî nîn in ne di serdema şerkirina li dijî dagîrkerî û mandate û nejî di serdemên lihemberderketina despotism ê û veguherînên civakî û pêşveçûnê û nejî di rewşên niha de: serdema şerkirina teror û hêzên tariyê û bicihanîna guherîna demokratîk di navçeyê de.

-----------------------------------

Nivîskar: SELAH BEDREDÎN
Weşandin: 2007-01-26
Xwendin: 5024