Nefel

[ ÎNÊ, 2024-04-19 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Fihûşa resmî ji ya bidizî çêtir e

STOCKHOLM, 27/2 2008 — Min berî bi demekê ev nûçeya li jêrî di PUK mediayê de xwend. Kerem bikin, hûn jî bixwînin û dû re em piçekî li ser hûr bibin.

“Li bajarê Silêmaniyê 85 laşfiroş hatin girtin

PUKmedia 2008-02-19 11:40:12
Di operasyoneke hêzên ewlekariyê ên bajarê silêmaniyê de ko duhî hate pêkanîn, di 6 otelên bajarê Silêmaniyê de 85 leşfiroş hatin girtin. Di vî warî de li gor ragihandineke ewlekariya bajarê Silêmaniyê ko wêneyeke wê ketiye destê PUKmedia-yê, hatiye aşkerekirin ko ji wê hejmarê, 51 jin in û 34 jî zilam in ko li 6 otelên bajarê Silêmaniyê hatine girtin.
Her wiha di ragihandinê de hatiye aşkerekirin ko leşfiroş di 6 otelan de hatine girtin ko du ji wan demek berê biryara girtina wan hatibû dayîn.
Her wiha di nav girtiyan de 2 zilam hene ko mijûlî karê bazirganîkirinê ne bi laşfiroşan ve û 2 pênasên sexte jî bi wan re hatine girtin.
Hemû laşfiroşên ko di wê operasyonê de hatine girtin li gor madeya 289 û 298 a yasaya sizadanê a Iraqê biryara girtina wan hatiye dayîn.”

Helbet ev wazîfeya asayiş û desthilatê ye ko rê li ber fihûşê bigrin û rê nedin tiştên xerab, yan na dê ji dewletên cîran û ji cimhûriyetên kevnesoviyetê qahpik û pîrekên laşfiroşan ê Kurdistanê dagir bikin; me ev fahm kir…

Îcar em piçekî ji hêleke dinê ve li meseleyê binerin.

Niha li Kurdistanê ne kerxane hene ko xort –û kesên pêdiviya wan bi têkiliyên cinsî hebin– herinê û ne jî civat ew civata bipêşdeketî ye ko bi rêyên dinê îhtiyacên xwe temîn bikin. Li welatên ko di vî warî de mihafezekarî bi pêş de be, tu bivê û nebêjî dê rêyên bi dizî bên bi kar anîn. Ji ber ko têkiliyên cinsî jî mîna nan û avê ye. Mirovekî/e tî û birçî dikere çi qasî îdare bike?

Yek ji van welatên ko bandora mihafezakarî û îslamiyetê zêde li ser heye, Îran e. Li wê derê jî kerxane û pavyon û hwd tune ne. Cezaya sûcê zinayê jî –bi rêya ricimandinê– îdam e.
Ma li wê derê fihûş tune ye? Fihûşa herî mezin li wir heye, lê wan jê re fetwayek pêde kiriye. Ew diherin cîhên fihûşê û ji bona rojekê yan jî ji bo seetek-du seetan mahra xwe li hevdu dibirin û piştî ko karê xwe diqedînin, hevdu berdidin. Her weha li welatên din yên ereban jî rêyên dişibin van rêyan hene.

Ez bi xwe nizanim bê naveroka wan madeyên “289 û 298”an çi ye, lê bi îhtimaleke mezin ew madeyên cezakirinê ne.
Baş e, li Kurdistanê serbestiya keç û xortan tune ye; bar, pavyon, dîskotek û kerxane tune ne; wek berê rêyên li çol û çepelan jî nema ne ko xort îhtiyacên xwe temîn bikin; gava destdirêjiyeke nelirê jî dikin, ew ji meseleya namûsê tên kuştin (çi kur û çi jî keç be), êêêêê? bila ev xort çi bikin? Bila li kîjan dîwarî qerase bikin?

Ma ne divê rêyek hebe ko xelk fihûşê nekin? Yan divê serbestiyeke wek ya ewrûpiyan hebe –ku vê gavê ne mimkun e–, civat bi pêş de ketibe û ew xwedî toleranseke di vî warî de be, yan jî divê rêyên eşkere û resmî hebin? Loma jî rêya herî maqûl, li gora rewşa Kurdistanê, rêya eşkere ye. Tirkiye di vî warî de nimûneyeke baş e. Li gelek bajarên wê kerxaneyên resmî hene ko xelk îhtiyacên xwe lê dibînin. Gava bi rêya resmî be, qet nebe ew jinên laşfiroş tên kontolkirin û zû bi zû nexweşî jê çê nabin, lê gava fihûşa bi rêya dizî bê kirin, di demeke nêzîk de dê li Kurdistanê jî nexweşiyên mîna AIDSê û hwd bi pêş de bikevin ko kes nikaribe rê li ber bigire.

Em dizanin ko li gelek welatên Afrîka û Asyayê ev nexweşî bûne bela serê xelkê. Ez nabêjim ko bila li kerxaneyan jinên kurd xwe bişuxulînin, bi hezaran qahpikên tirkan û ereban û farizan hene, bila ew di wan kerxaneyan de kar bikin û xortên kurdan jî îhtiyacên xwe pê bibînin.

Ev wazîfeyek ji wazîfeyên desthilata Kurdisyanê ye ko bala xwe bidin vê îhtiyaca civatê. Wazîfeya wê ne bi tenê ew e ko kesên fihûşê dikin têxin hefsan. Divê ew rêyeke çareseriyê ji vê îhtiyaca bingehîn ya civata kurd re pêde bikin. Çawa ko ew îhtiyaca civatê a xwarin û vexwarinê hal dikin, divê vêya jî hal bikin.

-----------------------------------

Nivîskar: ENWER KARAHAN enwerkarahan@hotmail.com
Weşandin: 2008-03-27
Xwendin: 5110