Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

buy the abortion pill
buy abortion pill over the counter read here
Nefela nû salek derbas kir

STOCKHOLM, 4/6 2006 — Min di rojeka wekî îro de ji parsal nivîsa xwe ya yekê di vê quncika xwe de ko navê Bêvedanê ji aliyê Arif Zêrevanî ve jê re hatibû pêşniyaz kirin belav kir. Ew roj bû ko Nefela nû, digel vekirina parlamentoya Kurdistanê piştî hilbijartinên bo parlamentoyê, dest bi weşana xwe kirî. Nefel bi xwe wekî malpereka kulturî ji 1997-ê were bi zimanê kurdî bi berdewamî heta 4/6-ê par hebû û di 4/6 2005-ê de ew bû malpereka ragihandinê jî.

Berî Nefela nû vebibe Arif Zêrevanê rojnamevan peywendî bi min kir û raya xwe li ser nûkirina Nefelê ji min re diyar kir. Ev dîtina wî bi dilê min bû ji ber ko:

— Arifî bi xwe rojnamevanî xwendiye û baş jê fehim dike û hîngê, bi dîtina min yê ko wekî wî rojnamevanî xwendî dê karkirin pê re hêsan be û em dê bi hêsanî bikarin hevdu fehim bikin û di encamê de jî heta niha weha bû.

— Pirsa zimanî, ji aliyê gramer û rastnivîsê ve ji min re pir giring e û ez li ser pêçêbûn û dîtinên Arifî di vî warî de haydar bûm û min zanî nêzîkbûneka me ya mezin li ser pirsgirêkên zimanî heye. Xwe zanîna min bo beşdarbûna zimannasê kurd Newzad Hirorî jî di Nefelê de ez piştrast kirim ko Nefel dê giraniyeka mezin bide zimanê nivîsînê yê bijare.

Salek derbas bû û digel hemî asteng û arîşeyan Nefelê xwe domand û hewil da xwendevanên xwe ji zanyarî û dîtinên nû bêbehre neke. Bêguman karê ji vê zêdetir heye ko ne bes Nefel lê gelek malperên din yên kurdî dikarin bikin lê bicihanîna wê hemiyê ne bes girêdayî hezkirina xudan û nivîskarên van malperan bi tenê ye. Karê me piraniyê karekê ideal e û mirov hewil dide wextê xwe yê vala yê piştî karê xwe yê li fermanberiyekê yan li kargehekê di navbera malbata xwe û karekê weha yê rojnamevanî de dabeş bike. Ev jî pêşmergetiyeka belaş û bê pere ye lê ez û belkî gelekên din jî bi xwe hez ji vî karî dikin û lewma jî dikin.

Pirsa diravî û finansekirinê ji astengên herî mezin in ko pêrgî hemî masmediyayên cîhanî û bi taybetî yên kurdî dibin. Evca di vê pirsê de rewşa malperên kurdî ji hemiyan jî xerabtir e. Dewlemendên kurd hêj destên xwe nexistine nav bazara rojnamevaniya kurdî ya nivîskî û dîtkî heta ko destên wan bigehin malperan jî. Me dezgehên kurdî yên dewletî bes li başûrê welatî hene û hêj wan jî wêneyekê zelal li ser kar û kartêkirina rojnamevaniya malperan nîne û dergehqutên wan jî gelek in.

Ya herî giring ew e Nefel kaniya ziman û kultura kurdî û jêdera informasyon û zanyariyan û çavdêra bûyeran neçike û têhna xwendevanên xwe yên delal bi berdewamî bişikêne. Ew xwe ji berçavkirina rastiyan bo xwendevanên xwe û kartêkirinê di raya giştî ya kurdistanî de û di çêkirina wê de venede.

-----------------------------------

Nivîskar: Sidqî Hirorî
Weşandin: 2006-06-04
Xwendin: 5044