Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

seroquel vidal
seroquel compendium
Le’net li rapora Baker-Hamiltonî

STOCKHOLM,11/12 2006 — Grupa Baker-Hamiltonî di rapora xwe de dixwaze indîrekt bibêje ko yên li dijî guhortinkariyên îdareya Bushî bûn li Îraqê û herêmê serketin û divêt ev îdare êdî dev ji projeya xwe ya rojhilata naverast ya mezin ber bide û giringiyê bide daxwazên wan dewlet û hêzan û van tehrîkên wan.

Her li ser vê pirensîpê û bi eqliyeta wezareta derve ya emerîkî ya salên heştêyan û ya destpêka salên notan rapor hatiye amadekirin. Rapor Tirkiye û Îran û Sûriyeyê û netewperistên ereb razî dike û dixwaze ko hikûmeteka merkezî ya bihêz li ser hisêba hikûmetên mehelî li Bexdayê hebe. Nefta niha û ya paşerojê di destê wê hikûmeta merkezî de be û ew hatinên wê li ser Îraqiyan belav bike.

Ew li dijî kirina referanduma li ser Kerkûkê ye û çarenivîsa wê dihêle bi hêviya komisyoneka navneteweyî ve ko dewletên cîran yên mîna Tirkiyeyê tê de cih bigirin. Ev rapor bi çi terzekî behsê parastina mafên siyasî yên kurdan nake û dixwaze ko destûra Îraqê bêt guhortin, bê şik bo ko dilê aliyên din >>mebest jê Tirkiye û erebên sinî û Sedrî û xeyrî wan<< bêt xweş kirin.

Rapor çi qîemtekê nade daxwaza piraniya Îraqiyan ko kurd û şîî ne, ko pev re %80 ji rûniştivanên Îraqê pêk tînin. Ew Îraqê têxe nav destê dewletên ko wê bi şev û roj xerab dikin mîna Tirkiye û Sûriye û Îran û Erebiya Seûdî û Urdunê. Xwe eger dilê Îrana şîî bi şîiyên Îraqê bisotaya dê wê arîkariya wan bikiraya bo ko şer û şerkarî û teror û dijwarî li Îraqê nemaya û desthilata şîiyan li Îraqê cihgir û bi hêz bûya. Lê wê şîiyên Îraqê di şerê xwe yê li dijî Emerîkayê de û bo parastina berjewendiyên desthilata siyasî ya Îranê bikaranîn. Evca ew çawa dê bikaribe arîkariya îraqiyan bi hemî rengên wan ve bike. Tirkiye hemî dikir bo ko rewşa kurdan li Îraqê xerab bibe û ha ev rapor wekî wê xwestî dike û dibêje bila Tirkiye jî endam be di komsiyona navneteweyî de ya ko dê biryarê li ser çarenivîsa Kerkûkê bide. Rapor rê vedike li ber maytêkirineka aşkera ya dewletên cîranên Îraqê di nav karûbarên Îraqê de û bo biryardanê li ser çarenivîsa Îraqê. Eger ev rapor bibe programa hikûmeta emerîkî û li erdî bêt bicihanîn ew dê tevilhvî û ne rehetiyan li Îraqê û herêmê zêdetir bike.

Bicihanîna vê raporê bi giştî dê van dewletên diktator yên mîna Îran û Tirkiye û Sûriyeyê û hêzên terorîst û kujek û fundamentalîst û nijadperist hartir bike. Xwe eger îdareya Bushî beşên girêdayî kurdan yên di vê raporê de bicih bîne dê ew dirbek be li miletê kurd û mafên wî û wan destketiyên ko wî heta niha bi dest xwe ve anîne. Niha û berî ko îdareya Bushî porgrama xwe durist bike çavê Bushî bi nûnerên şîiyan ket û nûnerê siniyan jî bi rê ve ye ko wî bibîne û eger yê kurdan nehat gazî kirin, ew jî signaleka xeternak e.

Beyannameya serokê Kurdistanê Mesûd Barzanî ya di heqê vê raporê de di cih û wextê xwe de hat û bê şik em hemî kurd pê re ne. Lê li hember vê raporê û her niha û berî ko îdareya Bushî programa xwe îlan bike divêt kurd li seranserî dinyayê, hem wekî desthilata siyasî li başûrê welatî û hem jî li derveyî wê wekî rêxistinên siyasî û pîşeyî û wekî xelkê kurd bi awayên diplomatîk û bi rêya şand û xwenîşandanan hereketeka berfireh û bi lez bikin û xwe nehêlin li hêviya ka dê encam çi bin û nemînin bi hêviya hindê ko ev rapor û bicihanîna wê li ser erdî wekî yek nabin û pir giring e ko ev hemî bizav bi awayekê aştiyane û li ser xwe bin. Berî hemiyan divêt parlamentoya Kurdistanê her zû bicive û di heqê vê raporê de reaksiyona xwe nîşan bide. Pêwîst e ko kurd di diyarkirina nerazîbûna xwe de li hember vê raporê, wê karta xwe ya bihêz ko slogana serxwebûna Kurdistanê û cidabûna wê ji Îraqê ye bilind bikin. Divêt reaksiyona kurdî li ser raporê bi xwe diyar bibe û deng vede çimkî ew bi xwe dê helwêstek be li hember helwêstê di rapora Beker-Hamiltonî de.

-----------------------------------

Nivîskar: Sidqî Hirorî
Weşandin: 2006-12-11
Xwendin: 5238