Nefel

[ ŞEMÎ, 2024-04-20 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

viagra prodej praha
viagra prodej praha
Hinekan sirûdeka nû ya neteweyî durist kir û haya hinekan jî jê nîne

STOCKHOLM, 27/12 2006 — Di vî demê dawiyê de di nav celebekê kurdan û rojname û malperên wan de bû heraya guhortina ala û sirûda neteweyî ya kurdî. Hema hind haya me jê hebû ko teksta sirûda nû ya neteweyî yan ya nîştîmanî ji helbesta filan helbestvanî ye û filan kesî jî awaza wê durist kiriye.

Kelecaniyê xwe li kurdekê kirmanc jî da û wî ew her zû û bi pelişqeyî, ji bo ko ew kesê yekê be, wergerand kurdiya kirmanciyê û paşî yekê din bêtir xem ji wergerê xwar û ew bi xêra xwe bi kurdiyeka kirmancî ya spehîtir û serûbertir amade kir.

Vê bizava zû û bê hizirkirin û bê minaqeşe serokê Kurdistanê tingijand û weha kir ko ew di axiftina xwe ya 26/12 2006-ê di parlamentoyê de diyar bike û bibêje ko tiştekê wisa bo guhortina sirûdê nîne û ya guhortina alayê jî her minaqeşekirin jî li ser ne mimkin e.

Biryara guhortina sirûd û alayê divêt normal di destûrê de wekî madeyekê cih bigire yan parlamenyoya Kurdistanê piştî minaqeşekirina wê biryarekê di wî warî de bide û paşî gavên bicihanîna wê biryarê bên avêtin. Ne destûra Kurdistanê amade bûye û ne jî biryareka weha ji parlamentoyê derketiye.

Ez fehim nakim ka çawa çêbûye ko şêwirmendê serokwezîrî bo pirsên hunerî bi xwe dest bi karekê weha kiriye bê hebûna biryarekê û bi çi heqî wî ew helbesta Şêrko Bêkesî ji nav deryaya şîira kurdî bi hêjatir û çêtir dîtiye? Baş e ma serokwezîr ji şêwirmendê xwe napirse ka gelo çawa ew şêwirmendê wî ye û karekê weha, di pirseka ji kurdan re pir hesas de, bê wî dike û ka çawa bi xwe û bê haya wî awaza sirûdeka nû ya nîştîmanî çê dike û ew hêj yek ji şêwirmendên wî ye? Yan gelo şêwirmendî pirsa xwe bi serokwezîrî kiriye û ji pehinka devê wî erêyek bihîstiye?

Erê gelo ma ne duristtir e di haletekê weha de li pêşiyê biryar ji parlamentoyê derbikeve û paşî yan komisyoneka tayebtî bo hilbijartina helbestê û paşî bo hilbiijartina awazê bêt danan yan pêşbirkiyek >>misabeqeyek<< bo çêtirîn sirûda nîştîmanî bêt kirin? Yan jî di vê serhatiyê de awazçêker û helbestvanî leza hindê bû ko xwe li şûna Dildarî bêxin nav berperên dîrokê? Yan jî hinek dixwazin sirûda neteweyî ya kurdî Ey Reqîbê cida bikin ji sirûda niştîmanî ya her beşekê Kurdistanê? Belkî jî di vê pirsê de hêj tiştine hene ko haya me jê nîne û dê di paşerojê de ji me re xwiya bin?

-----------------------------------

Nivîskar: Sidqî Hirorî
Weşandin: 2006-12-27
Xwendin: 8962