Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

fjrigjwwe9r0TabArticles:ArticleHeadline
perindopril
perindopril link
Axiftineka kurt li ser serokatiyê

STOCKHOLM, 18/6 2005 — Mesûd Barzanî serokê Kurdistanê ye û ev rastiyek e û wê em hemî kurd anîne keyf û coşê. Bi hebûna yek serokê me yê hilbijartî ji alyê parlamentoyê ve, em kurd li Kurdistanê dibin xwediyê serokekê rastîn yê resmî û qanûnî. Ev jî ji me re têt wateya yekbûn û dewletbûna ko hertim ji xwestek û daxwazên me yên xelkî yên herî li pêş in.

Bêguman Mesûd Barzanî hêjayî vê serokatiyê ye. Ew di nav germe germa tevgera Kurdistanîbûnê de hat dinyayê û wî her ji biçûkîniya xwe milê xwe bi milê vî karwanî vekir û tê de di xweşî û nexweşiyên wî de beşdar bû. Wî û partiya wî qet çeperê xwe di parastina hêjayiyên miletê kurd û di berxwedanê de ji bo bidestveanîna maf û daxwazên wî berneda û neguhorî.

Helwêstên wî li ser pirsên ji kurdan re çarenûssaz in ji dost û neyaran re xwiya û li ber çav in û vê weha kiriye ko biha û senga wî di qada navxweyî û hem derveyî de pir bihêz be.

Ew kesekê şehreza û xwedî tecrube û hîkmet e. Ji bo me jî di qonaxeka weha nazik û çarenûssaz de serokekê weha pêdivî ye ko bikare bi hêminî û serbilindî, bi rêyeka hindî jê bihêt kêmxeter û kêmziyan xelkê me bigehîne perava serketin û serfiraziyê.

Ev yekserokheyînî ji me re tecrubeyeka nû ye û serketin û neserketina wê, berdewambûna wê û zêdebûna mînakên weha demokratîk, me bivêt û nevêt berî her tiştî girêdayî hêzên me yên siyasî yên mezin û biryarder e. Ew bi reftarên weha, qebûlkirina hevdu û demokratiyê dikin rastî û li ber çavên me xelkî bi jiyan têxin û weha rengdana wê di nav derûn û hest û hizir û reftarên me de dibe û cih digire. Ev hem erka wan e û hem pir giring e di pêvajoya dewletbûnê de. Evca ya herî fer ew e ko em hemî, kes û alî piştgiriya gaveka weha baş bikin û nehêlin ew biderize û em wê mukumtir lê bikin.

Xwe çi xiş tê de nîne ko gelek dimîne girêdayî serokî bi xwe jî ko ew, her wekî em jê hizir dikin, di prkatîkê de bibe parsenga hêzên siyasî yên Kurdistanê û bi taybetî herduyên mezin, bibe parsenga element û pêkhatên civaka Kurdistanê. Pir giring e ko ew bikare di vê rewşa nû û pir aloz de, bi kar û reftar û berhema xwe ve bide qebûlkirin ko ew bi rastî serokê kurdan û Kurdistanê ye, neko bes serokê Partiya Demokrat ya Kurdistanê û bêguman ev ne karekê hêsan û rehet e.

Hebûna serokê rastîn yê Kurdistanê kartêkirina xwe ya derûnî li ser kurdên hemî parçeyên Kurdistanê heye. Rewşeka weha nû û gaveka weha li pêş di karwanê serfiraziya Kurd û Kurdistanê de rengdana xwe dê li parçeyên din yên welatê me hebe. Ew dê di hişyariya neteweyî û di bizava wan ya siyasî de xwe binimîne û xwe dabirêje. Dersa ji hemiyan giringtir ko pêwîst e baş bêt zanîn ew e ko ev bûyera dîrokî ya li başûrê welatê me bûyî bê ked û xebateka mezin, bê yekgirtina hêzên siyasî, bê civiyana wan li dor berjewendiyên welat û miletî yên bilind, bê qebûlkirina wan bo yekdu û bo encamên demokratiyê nedihat pêş û bê wan jî namîne. Ev destpêka pêvajoyeka nû û pir baş e û pêwîst e em hemî xwe bidin ber biserxistina wê.

-----------------------------------

Nivîskar: SIDQI HIRORÎ
Weşandin: 2005-06-18
Xwendin: 4914