Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Ji çar parçeyên Kurdistanê pênc kurd ketin Parlamentoya Swêdê

STOCKHOLM, 23/9 2010 — Dema em ji Swêdê diçe Kurdistanê ji me re dibêjin ”kurdê Swêdê”. Çima? Ji ber ko kurdiya kurdên Swêdê ji ya kurdên hemî cihên dî baştir e û kurdên Swêdê gelekê ji demokrasiyê hez dikin û zêde siyasî ne.

Min pesnê kurdên Swêdê da lê belê sebebê wê heye. Di hilbijartinên vê carê yên Swêdê de çar kurd ketin Parlamentoya Swêdê û ew jî ev in: 1) Ji lîsteya Partiya Jîngehê li Umeayê Jabar Amîn (kurdê Iraqê), 2) Ji partiya Sosyaldemokratan li bajarê Goteborgê Şadiye Heyderî (kurda Îranê), 3) Ji lîsteya Sosyaldemokratan li Dalarnayê Roza Guçlu Hedin (kurda Tirkiyeyê), 4) Ji lîsteya Folkpartiet li Uppsalayê Ismail Kamil (kurdê Sûriyeyê) û 5) ji partiya çepan Vansterpartietê Amineh Kakabaveh (kurda Îranê).

Parlamentên kurd-swêdî hemî parçeyên Kurdistanê temsîl dikin. Keyfa min gelekê hat ko sê ji wan jin in û dido jî zelam in. Temenê wan jî di nêvbera 27 û 50 salî de ye.

Kurd li seranserê Swêdê li bajarên cida dijîn û heger mirov plan jî bikira wiha belavkirineka adilane li hemî cihên Swêdê û ji hemî parçeyên Kurdistanê çênedibû. Jabar Amin ji Kurdistana Iraqê, Şadiye Heyderî û Amineh Kakabaveh ji Kurdistana Îranê, Ismail Kamil ji beşa Suriye ye û Roza Guclu jî ji Kurdistana Tirkiyeyê ye.

Ji bo kurdên Swêdê hilbijartinên vê carê yên Parlamentoya Swêdê tarîxî ye û kurdan biserketineka mezin bi dest xist. Di tarîxa Swêdê de ev cara yekê ye ko pênc kurd di heman peryodê de dikevin Parlamentoya Swêdê.

Sala 1994-ê xwişka min Nalîn ji partiya Sosyaldemokratan bû endama parlamentoyê û du dewreyan yanî heşt salan parlamenterî kir.

Û îsal pênc kurd bi xebata xwe ya demokratîk bûn parlamenterên Swêdê û di nêv mihacir û penaberan de herî zêde kurd ketin Parlamentoya Swêdê. Ev jî delîla wê yekê y eko kurdên Swêdê pir zîrek in û aktîv in.

Di hilbijartinên dewreya berê de hinek kurd wekî cihgir bi awayekê miweqet ketin Parlamentoya Swêdê lê belê di van hilbijartinan de bi ser neketin û bo nimûne Gulan Avciya ji Folkpartietê tenê 250 deng wergirt.

Ez ji herpênc kurdên ko bûne parlamenter çaran baş nas dikim û yek ji wan keça malbeteka dosta malbata me ye. Herçar jî kurdên siyasî ne û xizmeta wan ji bo kurdan gelekê çêbûye. Ez bawer dikim ko ew dê ji bo lobiya kurdî bikarin karên baş bikin.

Hêviya min ew e ko kurd li welatên dî yên Ewropayê dersê ji biserketinên kurdên siyasî yên li Swêdê bigirin. Li Swêdê 100 000 kes bi nasnameya kurdî dijîn û kurd niho li Swêdê ji bilî neteweyên skandînavî neteweya herî mezin e.

Kurdên li diyasporayê ji bo xebata miletê kurd ya li Kurdistanê gelekê giring in. Rola kurdên diyasporayê her ko diçe zêdetir dibe. Kurd çiqaê nêzîkî mafên xwe bibin dê hewqasê pêwistiya wan bi kurdên diyasporayê çêbe.

Hêviya min ew e ko hemî rêxistinên siyasî yên kurdan van parlamenterên kurd-swêdî pîroz bikin.

-----------------------------------

Nivîskar: KURDO BAKSÎ kurdo.b@hotmail.com
Weşandin: 2010-09-23
Xwendin: 14425