Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

kamagra
kamagra lunchroomtasty.nl
Başûrê Kurdistanê di navbera hilbijartin û hilingaftinan de

STOCKHOLM, 18/11 2005 — Hilbijartinên parlamentoya Îraqê dê di 15/12 2005-ê de hên kirin. Kurd jî li gor destûra ko wan jî erê kirî man di çarçoveya Îraqê de. Ji bo ko kurd wan mafên di destûrê de hatine tesbît kirin biparêzin û di praktîkê de bicih bînin, pêwîstiya wan bi hebûneka xwe ya bihêz li Bexdayê, hem di parlamentoyê û hem jî di hikûmetê û saziyên wê de heye. Ji bo ko ev jî biqewime pêwîst e ko kurd dehqatî hilbijartinên 30/1 2005-ê di hilbijartinên bihên de beşdar bibin.

Hêviya min ew e kêmbeşdarbûna kurdan di referanduma li ser destûrê di 15/10 2005-ê de weha kiribe ko hêzên siyasî yên kurdistanî û bi taybetî herdu partiyên serekî û desthilatdar hilsengandin bo egerên wê kêmbeşdariyê û qonaxa berî wê kiribin û destên xwe danabin ser şaşî û kêmasiyên xwe û bi serrastkirina wan weha bikin ko beşê herî mezin ji xelkê Kurdistanê di hilbijartinên 15/12 2005-ê de bo parlamentoya Îraqê beşdar bibe.

Rast e vê carê nûnerên hinek hêzên kurdên feylî gotin ko ew dê dengê xwe bidin Hevpeymaniya Kurdistanî, lê me guh lê nebû ko lihevhatinek di navbera wan û Hevpeymaniyê de çêbûye û ne jî ew ketin di nav Hevpeymaniyê de. Çar hêz; yekgirtiya Îslamî ya Kurdistanê, Partiya Yekîtiya Neteweyî ya Kurdistanê, Partiya Cotyarên Kurdistanê û Beyt Nehreyn ji Hevpeymaniyê derketin. Partiya Komunîst ya Kurdistanê her çend ma di Hevpeymaniyê de lê gelek jê ne razî ye. Mîr Farûq Seîd Beg cihgirê serokê Civata Rûhanî ya êzidiyan jî li ser navê êzidiyan di nameyeka xwe de bo Celal Talebanî dilsariya xwe ji Hevpeymaniya Kurdistanî diyar dike. Ev hemî, her wekî ew dibêjin, ji Hevpeymaniyê ne rehetin ji ber ko herdu partî; PDK û YNK hemî tiştan di Hevpeymaniyê de bi serê xwe dikin û ew bê ko pirsa xwe bi çi aliyekî ji wan bikin biryaran didin û gelek qelsiyê di dana postan de bo aliyên din yên di Hevpeymaniyê de ne û li derveyî wê ne dikin.

Problemên xelkî yên jiyanê yên bingehîn, mîna elekterîk, av, neft û benzîn û xizmetkarî nehatine çareser kirin û vê xelik gelek ne rehet kiriye. Korupsiyon û pûçbûna di nav saziyên hizbî û hikûmî de li başûrê Kurdistanê û ne yekgirtina herdu îdareyan jî bûne egera bêzariya xelkî ji desthilata siyasî ya kurdî û xelik jî dixwaze baş bijît û êdî slogan bi tenê têra nakin.

Hêzên sekuler yên Îraqê xwe bêtir û çêtir ji cara pêştir organîze û amade kiriye. Şîî piranî ne û ew ji behreya xwe ya mezin di parlamentoyê de pişt rast in. Sinniyan di referanduma li ser destûrê de diyar kir ko eger ew xwe baş biserûber û amade bikin ew dê di hilbijartinên bihên de gelek kursiyan di parlamentoyê de bigirin.

Erê gelo li hember van hemiyan sefera Mesûd Barzanî û Celal Talebanî bo derveyî welatî dê têra hindê bike ko xelkî qayil bike bo ko ew biçin hilbijartinan û dengê xwe bidin Hevpeymaniya Kurdistanî? Kî dibêje eger desthilata siyasî ya kurdî di van 27 rojên mayîn de gavên mezin di yekkirina hikûmetên xwe de, di berdestkirina neft û benzîn û avê de, di pirsa elekterîkê û pirsine din de nehavêje û eger Talebanî û Barzanî serdanên nava Kurdistanê de nekin, ew dê di encamên hilbijartinên parlamentoya Îraqê de lîsteya duyê û sêyê jî be?

-----------------------------------

Nivîskar: Sidqî Hirorî
Weşandin: 2005-11-18
Xwendin: 5065