Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

buy naltrexone 3mg
naltrexone
Gelo rast e mecal li Sûrîyê teng dibe?

STOCKHOLM, 30/11 2005 — Piştî kuştina serokwezîrê Libnanê yê berê Refîq Herîrî recîma Sûryê kete xaneka teng de. Gelê Libnanê bi Sunnî, Dirûz û Maronîyên xwe (tenê Şî´e awarte) telîyên xwe ber bi Sûrîyê ve birin û vekirî gotin ko Muxaberatên Sûrîyê û terîyên wan yên libnanî berpirsê kuştina Herîrî ne. Neteweyên Yekgirtî biryar da ko divê Sûrî ji Libnanê derkeve. Sûrî terîya xwe xiste nav lingên xwe û ji Libnanê (bi leşker û muxaberatên xwe) derket, piştî nêzî 30 salî ji dagîrkirinê.

Derketina ji Libnanê ne bes bû rapora Mehlis [1] jî bi dûvre hat û eşkere ronî kir ko telîyên libnanîyan derew nekirin. Navên mezinên muxaberatên Sûrîyê di raporê de bûn. Navê herî balkêş ê zavê Hafiz Esed, serokê muxaberatê Sûrî Asif Şewket bû. Mehlis ji Sûrîyê xwest ko 6 efserên Sûrî bide vekolînê. Piştî ko Sûrîyê gelek xir û cir bi Mehlis re kir (xiricira Sedam bi girûpa navnetewî ya ji bo çekê atom û kîmyawî tîne bîra mirov) mêrik rahişt rapora xwe û danî ber Neteweyên Yekgirtî û ji wan re vekirî got ko Sûrîye di vê lêger û lêkolînê de ne alîkar e. Encûmena Ewlehîyê ya Navnetewî bi her 15 endamên xwe û bi yek dengî biryar da (1636) ko divête Sûrîye bi her hawî û bêyî çi hegerî alîkarîyê bi girûpa Mehlis re bike û çi astengan li ber vekolînên wê daneyne.

Vêca gelek mirovan guman kir ko dawîya meriv û hevalên Sedam yê li ser sînga civata Sûrî ji 1963an de rûniştine nêzîk dibe. Gelo xelkê ev guman û hêvîyên hanên ji ko anîn? Bê guman e ko zirt û fortên serokê Sûrîyê Beşar Esed di gotina xwe ya 10ê vê mehê de gelek hêvî avakirin. Hêvîya ko dê Emerîka vê carê xurtir e, çimkû biryareke yekgirtî ji Encûmena Ewlehîyê li pişta wê ye û dikare bê minet recîma Sûrîyê bighore.

Lê ji bîra gelek xelkan diçe ko sînaryoya Sûrîyê ne weke sînaryoya ´Iraqê ye. Sînaryoya Sûrîyê dê wê gelekî nêzîkî sînaryoya Lîbiyayê be. Emerîkî nema guhartina recîmê dixwazin. Lê ji recîmê dixwazin xwe bighore û bi ya min recîm jî çi jê tê xwestin dike. Û ji ber vê yekê jî dîtina min ew e ko zirtên Başar Esed ne li Emerîkayê bû bi qasî ko li pepûkên Libnanîyan bû, û bila guman nekeve bala kesî ko xema Emerîka Libnan e. Ji bîra kê çûye ko Emerîkî û Fransî bûn yên destên gemar yên Sûrîyê di Libnanê de di sala 1991ê de berdan? Nerxê wê jî ew bû ko Sûrîyê dê alîkarîya Hêzên Yekgirtî di şerê Xelîcê de bike, û kir.

Vêca vê carê ew dê nerx çibe? Bi bawerîya min ew dê careke din li ´Iraqê be. Ji Sûrîyê tê xwestin ko destên xwe yên gemar ji ´Iraqê bikişîne û alîkarîya terorîstên filistînî neke. Bêguman e heger Sûrîye vî nerxî bide (û ez dibêjim ko ew dê bide) ew dê ji bo herêmê gelekî baş be. Lê bi rastî gunehên min cardî bi libnanîyan tê ji ber her kes dizane ko Sûrîyan çi terîyeke qalind û dirêj di pey xwe de hiştine; Hizbu l-Lah û Emel.

Kolonêlê Lîbiyayê Qazafî ji nişka ve bû persona grata (mirovekî jê razî) piştî ewqas sal ko persona non grata bû. Ez texmîn dikim ko ew dê Başar jî bide ser şopa Qazafî lê ne berî çend salên ko hinek siyasetzan jê re dibêjin stalemate, gotineke Inglîzî ye, di lîstika setrencê rewşeke awha ye ko mirov nikare çi piyesekî bileqîne û şahê mirov serbest e û encamê lîstikê dibe pata [2] , bi gotineke din kes bisernakeve.

_________

1- Encûmena Ewlehîyê ya Navnetewî di biryara xwe ya (1595)an de izin da ko girûpeke profesyonel avabike bi serokatîya tawanbarkerê elman ê bi nav û deng Mehlis ji bo li kuştina Herîrî û 20 hevalên wî bikole û kuştyaran nas û tawanbar bike.

2- Ji gotina Îtalî patta, yanî wekhev, ji ber hev, kurdên me di lîstika Damê, ya Setrencê û lîstikên kaxezan de bi kar tînin.

-----------------------------------

Nivîskar: Selam Nûman
Weşandin: 2005-11-30
Xwendin: 9793