Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Qetilkirina Remezan Dîndar

CIZÎRA BOTAN, 19/8 2012 — Gotineke pêşiyên kurdan heye, dibêje: “Berxê nêr ji boyî kêr”. Ev gotina ko şirik xwîn jê dirije di nav neteweya kurd de ji ber du rewşan tê bi kar anîn.

Yek teşwîqa li ser kuştinê. Ji ber ko her tim di nav eşîrên kurdan de şer û pevçûn û qetl û qutîl kêm nebûye, her eşîrekê ferdên xwe li gorî wateya vê “gotinê” perwerde kirine. Ango armanceke tenê ya heyîna xortan heye, ew jî kuştin û xwînrijandina di rêya nirxên eşîran de ye. Dudo; di serxweşiyan de. Dema bûyereke kuştinê ya xortan rû dida bi vê “gotinê” malbata yê hatî kuştin tesellî dikirin.

Ev derdekî bê derman yê gelê kurd e ko her milet ji boyî pêşdeçûn û refaha miletê xwe tevdigeriyan, lêbelê eşîrên kurdan bi kuştina hev ve mijûl dibûn û hemû enerjiya xwe di vê rêya hovane de dimezixandin.

Ev gotina pêşiyê kurdan herwekî di der heqê malbata Seyîd Selmanê Seetçêker (Dîndar) de hatibe gotin û mucesem bibe. Lewra di erefeya cejna remezana pîroz de biçûktirîn kurê malbatê yê bi navê Remezan Dîndar ko birayê Mehmet Emîn Dîndarê parlamenterê AKP-ê bû bi êrîşeke çekdarî re rûbirû ma û wefat kir.

Pênç kurên malbata Seyîd Selman (Dîndar) hebûn. Berî niha texmînî bîst û pênc salan kurekî wan yê bi navê Muhemed di navbera Cizîr û Nisêbînê de bi havalekî xwe re ji aliyê hin kesan ve hat qetil kirin. Hêj qehra malbatê nehatî jibîr kirin vê carê kurê mezin yê malbatê yê bi navê Mela Îhsan ko melayê mizgefta mezin ya Cizîrê bû di şewateke dilsoj de şehîd bû. Berî niho sê salan jî birayê wan yê bi navê Selîm Dîndar, li Stenbolê ji aliyê nijadperestên tirk ve hat şehîd kirin.

Sedema qetilkirina Remezanî çi be bila ew be bi ti awayî kuştina wî nayê qebûl kirin. Pirsgirêkek di navbera mirovan de hebe divê safîkirina wê pirsgirêkê ne bi rêya çekan be, bi rêya dîalogê be, axaftinê be. Kuştin hovîtî ye; qet ti ehlê wijdanê qebûl nake.

Gelê Cizîrê bi qetilkirina Remezanî gelik û gelik xemgîn e. Mirov dikare bibêje ko ji ber kuştina wî adeta ketiye şînê de. Piştî ko xebera birîndarbûna (serê pêşî birîndar bibû, di rêya nexweşxaneyê de wefat kir) wî geriya, xelkê Cizîrê birbibir qesta mala wan kir û hetanî sibehê ew tenê nehiştin û xemgîniya xwe ji wan re îfade kir. Sibeha roja cejnê jî, di dema veşartina wî de jî gotina “te xwelî biavêta li erdê nediket” hat jiyandin.

Ez ji Remezanî re dilovaniya Yezdan dixwazim. Xwedê wî ef û mexfîret bike. Serê malbata Seyîd Selman û hemî xizm û dostan wan sax be. Xwedê sebrekî cemîl bide wan. Herweha ji Xwedê dixwazim ko ev şewata hanê şewata dawî ya malbata wan be.

-----------------------------------

Nivîskar: ABDULKADIR BÎNGOL abdulkadirbingol@gmail.com
Weşandin: 2012-08-19
Xwendin: 5324