Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

“Konferansa Kurdistanê” û kokteyla bilindkirina Ocalan

STENBOL, 20/9 2011 — Yalçin Kuçuk porfesorekê pro-milîtarîst û tirkîst e ko niha ji doza Ergenekonê di zinadan Silivriyê de ye. Kurd dizanin ko Yalçin Kuçuk bi salan di Med TV-yê û di organên dî yên propagandeya PKK-ê de medahiya Abdullah Ocalan û dijminiya Barzanî û kurdên başur kir.

Oda TV jî weşaneka televizyonî ya li ser înternetê ye ko wekî organeka Ergenekonê têt zanîn. Berî ko Yalçın Kuçuk bêt girtin, dema ko ew bi telefonê digel berpirsekê Oda TV-yê diaxive, dikeve qeyda teqîbkirinê. Kuçuk ji perpirsiyarekî Oda TV-yê re weha dibêje:

— …Hertim bidin diyar kirin ko rêxistin di bin kontrola Ocalan de ye. Cih nedin weşanên ko rêxistinê zeîf nîşan dide. Nûçeyên wesa çênekin ko ji bo PKK-ê bibin problem… Divê rêxistin wekî pêkhateyeka yêkgirtî bê pêşkêş kirin. Rêxistin, nûnera yekane ya bizava kurd e... Tiştên ko ji Imraliyê tên bi awayekî karîger bidin pêş. PKK kurd hemî ye û PKK berdevka kurdan ya yekane ye. Dema ko bi kurdan re bêt axaftin, dê bi PKK-ê rê bêt axaftin. Divêt ev hertim di nav rêzikan de bêt îşaret kirin. Mixatebê yekane Ocalan e. Divêt hertim gotarên Ocalan di serê ajendayê de bin.

Belê profesor Yalçin Kuçukê ko ji doza Ergenekonê tê darizandin di heqê PKK-ê û rêberê wê Ocalan de weha difikire. Wî divê ko jibilî Ocalan û PKK-ê qet behsa ti kurd û kurdbûnekê neyê kirin. Dogu Perinçek jî medahçiyekê dî yê Ocalan bû, ew jî ji sê salan zêdetir e ji doza Ergenekonê girtî ye.

Wekî herkes dizane, Ergenekon navê dewleta kûr e ko li ser zihniyeteka kemalîst û tirkîst hatiye ava kirin û destê wê di hemî karên nemirovane yên ji bo têkbirina doza miletê kurd de heye.

Vêca dê Yalçin Kuçuk ji doza Ergenekonê bê siza kirin neyê siza kirin an jî bi rastî endamê wê rêxistinê ye an no, bila ev hemî li aliyekê bin. Lê em dizanin ko Yalçin Kuçuk wekî fikir û dîtinên xwe yek ji wan “teorisyenên” e ko ji bo pûçkirina îdiayên kurdan yên neteweyî dixebite. Li gorî “tezên” Yalçin Kuçuk miletek yêkgirtî, zimanek yêkgirtî, cografyayek yêkgirtî bi navê kurdan tune ye. Malbata Barzanî ji cihû ne. Divê Tirkiye rojekê ji rojekê zûtir Mûsilê jî vegire. Ew hertim pesnê xwe yê di şerê Qibrisê de jî dide.

Lê gelo çima heman Yalçin Kuçuk dixwaze û hewl dide ko li ser navê kurdan tenê Ocalan û rêxistina wî hebe û qet naxwaze bi ti awayekî dî navê kurdan bê hildan?

Ahmet Turk, M. Emin Sever û Ibrahim Aksoy jî di nav de 8 parlemeterên kurdên ko endamên SHP-ê bûn di pehîza 1989-ê de, beşdarî konferansa ko li ser mijara kurdan ya li Parisê bûn. Serweriya SHP-ê jî li ser vê beşdarbûnê wê çaxê ew ji partiya xwe îxrac kirin, ez ne xelet bim digel îxrackirina wan dora 60 serokên belediyeyên li bakurê Kurdistanê jî digel parlamenterên kurd helwest wergirtin û ji SHP-ê veqetiyan. Ti eleqeya vê hamleyê bi PKK-ê ve jî nebû. Yên ko mereq dikin dikarin li arşîvên PKK-ê binêrin ko ka PKK-ê wê çaxê çawa êrişî Konferansa Parîsê û parlamenterên kurd dikir û lanet li hemî xebatên legal dibarand.

Lê parlamenterên kurd ji ya xwe nehatin xwar û 1990-ê de HEP (Partiya Keda Gel) ava kirin. Ji vê merheleyê û şûnde alîgirên PKK-ê xwe avêtin meydanê û HEP xistin bin hegemoniya PKK-ê rêberê wê Ocalan de. Ji wê demê û şûnde di qada siyasî ya legal de her çi hat kirin ji bo bilindkirina Abdullah Ocalan hat kirin. Xeta ko ji HEP-ê dest pê kir hata tê digihî BDP û DKT-ya îro, ev 21 sal in ko tenê xebatê ji bo “bilindkirina” Ocalan dike. Hemî dozên ko li himberî vê derdorê jî hatine vekirin di vê çarçeweyê de ne. Ji bo vê jî xeta navborî heta niha qet nekariye siyaseteka armancdiyar, xwedanprensîb û bi biryar bimeşîne. Di vê xetê de hebe nebe Ocalan û PKK heye, tişteka dî tune.

Hemî hewldanên BDP-yê û partiyên berî wê bûye ew ko “tenê yêk îrade heye ew jî Ocalan e”.

Baş e, çawa çêdibe ko “teorîsiyenek” yê nasyonalîzma tirkan ya pro-milîtarîst û rêxistina li ser navê kurdan ji bo heman “kokteylê” dixebitin û 21 sal in ji bilî daxwazên li dora şexsê Ocalan digerin rê nadin ko tu daxwaz dî yê kurdan derkevin pêş?

BDP-DTK-Kongreya Civaka Demokratîk, KCK-PKK ev hemî ji bo “îspata îradeya” Ocalan dixebitin. Di herî dawiyê de nêzîkî salekê bû navê “Konferansa Kurdistanê” dihat gerandin, di encamê de vê konferansê jî nekarî ji bejna Abdullah Ocalan bibore. Di heqê beşdarên konferansê û temayên axftin û gotarên wan de ez qet nikarim tiştekê bibêjim. Dizanim çi siyasî û çi nesiyasî yên ko beşdarî wê konferansê bûne hemiyan xwest û hewl dan ko bo welat û miletê xwe tiştekê bikin.

Lê belê belavoka encama konferansê ji bejna Ocalan nabore; qet şerê PKK-ê yê bêwate naxe ber pirs û pirsiyaran û dide diyar kirin ko ev konferans jî bûye aparateka dî ya di bin hegemoniya PKK-ê û Ocalan de. Daxuyaniya konferansê wekî belavokeka standar ya BDP-ê ye ko ti formulasiyoneka konkret û zelal tê de nîne. Halbukî armanca konferansa giştî ya neteweyî ew bû ko xeteka stûr bikêşe ser şerê bêwate yê PKK-ê û rawestîne.

-----------------------------------

Nivîskar: MIHEMED EVDILA mihemedsanri@gmail.com
Weşandin: 2011-09-20
Xwendin: 10533