Nefel

[ YEKŞEM, 2024-12-22 ] [ BIKE MALPERA DESTPÊKÊ ] [ BÊXE NÊV BIJAREYAN ] [ KONTAKT ] [ INFO ] [ LÊGERÎN & ARŞÎV ]

DESTPÊK

	Nûçe

	Nivîsar

	Kulturmagazîn

	Hevpeyvîn

	Kolumnîst

	Ewrokurd

	E-Pirtûk

	Lîteratûr

	Ziman

	Muzîk

	Foto

	Lînk

E-POSTEYA TE

	Nav (Username)



	Şîfre (Password)





	»E-posteyeka nû bo xwe qeyd bike

REKLAM

KOLUMNÎST

Çima DTP nabêje bê PKK çi ye?

STOCKHOLM, 1/9 2007 — Bi rastî jî rexne, daxwaz, dil(ne)xwestin û mixalifî li dere hanê, lê karê DTPyiyan zahmet e… Zahmet e, ji ber ko ew şaşo-maşo bûne; hêleke wan sîx e û ya dinê mîx e. Ew gêj bûne, ji ber ko benê wan ne di destê wan de ye.

Heger hûn bala xwe bidinê, ji destpêka tesbîtkirina namzetan û heya bi daxwuyaniyên di derbarê hilbijartinê, nirxandinên piştî hilbijartinê û speklasiyonên di esnaya sondxwarinê de, tu aliyên kurdan ji wan razî tune nin. Yanî ne alîgirên wan û ne jî mixalifên wan. Û tew herî dawiyê jî gotinên ko Ocalanî bi rêya ”avûqatên” xwe ji wan re kirin, bû nehikên li ser dehikan.

Ji hêla kurdan ve ew ê tu carî nikaribin bibin dengê gel, ji ber ko îradeya wan a biryardayinê tune ye. Ji hêla dewletê û serfermandariya wê ve jî ew ê hertim bibe mihataba ko PKK terorîst e, yan ne? û DTPyî jî dê bikin çine pin. Heger DTP bibêje ko PKK terorîst e û Evdila Ocarlan serekê terorîstan e jî dê ev dewlet dev ji wan bernede. Ew ê bixwaze ko di şexsiyeta wan de miletê kurd bikin bi pênc pereyan.

Ev siyaseta DTPyê ya bi çine-pinê û hewildayina wê ya ko bê ew çi qasî partiyeke tirkiyeyî ye, ew çi qasî xwediyê dewletê ye, ew çi qasî kemalîst in dê nehêle ew di çavê dewletê de jî bibin xedî şexsiyetekê. Ev siyaset dê nehêle ew tu carî li gora berjewendiyê miletê kurd yên demokratîk û rewa tev bigerin.

Heger bi rastî jî DTPyî PKKyê terorîst nabîne, çima nikarin bi eşkereyî bibêjin ko ew PKKyê terorîst nabînin? Heger bibêje ko PKK ne terorîst e, dê çi bibe? Heger ew PKKyê partiyeke kurdan dibînin û bawer dikin ko ev partî ji bona mafê vî gelî şarî dike, çima nikare bi eşkereyî ji wan bibêje ko we rêya mucadeleyê ji van însanan re nehiştiye û ji ber wê ye ko ew şerî dikin?

Weha xuya ye ko PKK jî ji vê yekê ne aciz e. Heger siyaseteke PKKyê ya di vî warî de hebûye, diviyabû ji DTPyiyan re bigotaya ko divê hûn bibêjin ko kurd miletek e û ev partî jî li ser navê wî şerî dike û DTPyî jî mecbûr bûn/in ko vê yekê bibêjin. Ji ber ko ew bi qawet û hukimê PKKyê bûne parlamenter.
Lê weha xuya ye ko heta PKK yan jî Evdila Ocalan ji wan re tiştekî nebêje, ew dê her bi vê mahcûbiyetê hereket bikin û dê zimanê wan kin be; loma jî xweziya mirovî ne bi dilê wan be.

-----------------------------------

Nivîskar: ENWER KARAHAN enwerkarahan@hotmail.com
Weşandin: 2007-09-01
Xwendin: 5304